Buskett Woodlands

Il-Ġonna tal-Buskett, imħawwla mill-Kavallieri ta’ San Ġwann, hija l-unika żona forestali f’Malta u Għawdex. Il-Buskett jinsab f’wied u huwa d-dar għal diversi speċi ta’ siġar, li jagħmlu sit protett dedikat għall-preservazzjoni tal-flora u fawna endemika. Il-Buskett huwa wkoll post ikoniku għall-pikniks, b’mod speċjali għall-iskejjel, u bħala żona ta’ rikreazzjoni għall-familji bi tfal żgħar. Fl-2023, Ambjent Malta inawgurat ċentru edukattiv li jservi bħala ċentru ta’ għarfien u tagħlim dwar l-ambjent, inkluż il-bijodiversità u l-ekosistemi. Iċ-Ċentru għandu wkoll l-għan li jsaħħaħ il-prattiċi sostenibbli fil-pubbliku, b’mod partikolari fl-iskejjel, il-komunitajiet u n-negozji. Meta t-tfal jintegraw fl-edukazzjoni ambjentali, jiżviluppaw konnessjoni profonda man-natura u jifhmu l-importanza tal-preservazzjoni tar-riżorsi tad-dinja waqt li jipproteġu l-ekosistemi fraġli tagħha. Iċ-ċentru huwa aċċessibbli għal dawk b’siġġu tar-roti u l-ħinijiet tal-ftuħ huma mit-08:30 sat-15:30. Bħalissa, m’hemm l-ebda faċilitajiet sanitarji disponibbli fiċ-ċentru. L-annimali huma milqugħa basta jinżammu biċ-ċinga Min-naħa l-oħra, il-Ġonna tal-Buskett huma miftuħin 24 siegħa kuljum, u faċilitajiet sanitarji pubbliċi huma wkoll disponibbli fil-viċin iż-żona tal-piknik. Is-sit huwa kollu pet-friendly. Mhux il-partijiet kollha huma aċċessibbli bis-siġġu tar-roti, iżda Ambjent Malta qed taħdem biex tagħmel diversi partijiet aktar aċċessibbli.